20211223-LPL_FINAL_7327 (3)

Jaffna Kings crowned champions of Lanka Premier League 2021, beat Galle Gladiators in high-scoring finale

by with No Comment Match Report

Jaffna Kings were crowned as the champions of Lanka Premier League 2021 season after defeating Galle Gladiators by 23 runs in a high-scoring finale at the Mahinda Rajapaksa International Stadium in Hambantota on Thursday. Avishka Fernando, who smashed 63 runs off 41 balls, and Wanindu Hasaranga, who made a big dent in Galle Gladiators run chase, by picking 2 wickets for 30 in his four overs, starred in the encounter for the Kings.
Chasing 202, Danushka Gunathilaka gave Gladiators a brisk start as he smashed 7 fours and 3 sixes to score 54 runs in 21 balls at a strike rate of 257.14. Seeing the pacers getting hit for plenty of boundaries, Jaffna Kings captain Thisara Perera handed the ball to his trusted spinner Hasaranga, who dismissed Gunathilaka, and also got the wicket of dangerous Ben Dunk for a golden duck in the same over.
After Mohammad Hafeez got run out for 10 in the 7th over by Chaturanga de Silva, Jaffna Kings further stamped their authority on the match.
With required run rate climbing, Gladiators captain Bhanuka Rajapaksa went for a slog sweep off Maheesh Theekshana in the 11th over, but he mistimed his shot, and was caught by Hasaranga at deep-mid wicket for 14. Kusal Mendis, who appeared to be Gladiators’ one ray of hope, was run out by Perera for 39 after a big mix-up in the middle.
Gladiators continued to lose wickets in quick succession, and eventually could only muster 178/9 in 20 overs, falling short by 23 runs.
Earlier, Jaffna Kings captain Thisara Perera’s call to bat after winning the toss proved to be the correct one with openers Avishka Fernando and Rahmanullah Gurbaz giving their side a flying start. The duo added 56 runs in 5.2 overs before the latter was dismissed by Galle Gladiators spinner Samit Patel. Fernando went on to complete his half century, but Nuwan Thushara dismissed him with a slower one for 63 runs.
Fernando tried to chip the ball over deep-mid wicket, but he was deceived by the pace, and Danushka Gunathilaka picked an easy catch. 
Tom Kohler-Cadmore also went on to score his first fifty of Lanka Premier League 2021 season, while Shoaib Malik (23 runs off 11 balls) and Perera (17 runs off 9 balls) added crucial runs in the death overs.
Kohler-Cadmore remained unbeaten on 57 off 41 balls as he helped Kings post a mammoth total of 201/3 in 20 overs, setting a target of 202 for Galle Gladiators to chase. Gunathilaka’s fireworks at the start of the chase was not enough for Gladiators and Jaffna Kings won the match easily to lay claim to the prestigious trophy.
The Player of the Season trophy was awarded to Avishka Fernando, who was also named as the man of the match in the final, for his innings of 63 runs in 41 balls. Overall, he scored 249 runs in 9 games in the tournament at an average of 31.12 at a strike rate of 152.76. The Emerging Player of the Season trophy was awarded to Janith Liyanage. The Strongest Player of the Season title was awarded to the trophy-winning captain of Jaffna Kings, Thisara Perera.

ISP_7583-960x641

දෙවැනි LPL ශූරතාවත් ‘ජැෆ්නා කිංග්ස්’ට

by with No Comment Match Report

තරගයට පෙර සඳහන් කළ පරිදිම පෙර තරගවලදී සිදුවූ අඩුපාඩු අවසන් මහ තරගයේදී නොවන්නට වග බලා ගනිමින් තරග වැදීම නිසා පිට පිටම දෙවැනි වරටත් ලංකා ප්‍රිමියර් ලීග් පන්දුවාර විස්සයි-20 ශූරයින් ලෙස කිරුළු පැළඳීමට තිසර පෙරේරාගේ නායකත්වයෙන් යුතු ජැෆ්නා කිංග්ස් ක්‍රීඩකයෝ  අද (23 දා) රාත්‍රියේදී සමත්වූහ. ශ්‍රී ලංකා ක්‍රිකට් ආයතනයේ මෙහෙයවීමෙන් දෙවැනි වතාවටත් හම්බන්තොට මහින්ද රාජපක්ෂ ක්‍රීඩාංගණයේ පැවැති මෙම අවසන් මහ තරගයේදී ගෝල් ග්ලැඩියේටර් පිලට එරෙහිව ලකුණු 23 ක ජයක් වාර්තා කළ ජැෆ්නා කිංග්ස් කණ්ඩායම ශූරතා කුසලාන සමඟ මුදලින් රුපියල් කෝටි 2 ක ජය මල්ලකටද හිමිකම් කීය.

ජැෆ්නා කිංග්ස් පිල ලබා දුන් ලකුණු 202 ක ඉලක්කය හඹා යෑමේදී ග්ලැඩියේටර් පිලේ ආරම්භක පිතිකරුවන් වූ ධනුෂ්ක ගුණතිලක සහ කුසල් මෙන්ඩිස් පන්දු 26 කදී  ලකුණු 63 ක වේගවත් ආරම්භයක් ලබා දීමට සමත් වුවත්, ඉන් පසු පිටියට පිවිසි කිසිවකුටත් වගකීමක් ගෙන පන්දුවට පහර දීමට නොහැකිවීම කණගාටුවෙන් වුවද දෙවැනි වතාවටත් අනුශූරතාවයෙන් පමණක් සෑහීමකට පත්වීමට ගෝල් ග්ලැඩියේටර් පිලට සිදුවිය.

මොවුන් දෙදෙනාගේ වේගවත් ආරම්භය ප්‍රධාන කොට පවර් ප්ලේ පන්දුවාර 6 දී ලකුණු 81 ක් රැස් කර ගැනීමට ග්ලැඩියේටර් පිලට අවස්ථාව උදාවිය. මෙය එල්.පී.එල්. තරග ඉතිහාසයේ පවර් ප්ලේ අවස්ථාවකදී වාර්තා වුණු ඉහළම ලකුණු සංඛ්‍යාවේ වාර්තාව බවටද පත්විය.

කඩුලු අතර දිව යෑමේදී වූ දවා ගැනීම් සහ ලැබුණු උඩපන්දු සියල්ල ඒ ආකාරයෙන්ම ග්‍රහණය කර ගැනීමට ජැෆ්නා කිංග්ස් කණ්ඩායමට හැකියාව ලැබීම නිසා ඉලක්කය හඹා යෑමේදී ග්ලැඩියේටර් පිලට රැස් කරගත හැකි වූයේ පන්දුවාර 20 අවසානයේ කඩුලු 9 ක් දැවී ලකුණු 178 ක් පමණි.

පන්දු 19 කදී සිය අර්ධ ශතකය සම්පූර්ණ කරගත් ගුණතිලක හැකි උපරිමයෙන් ග්ලැඩියේටර් ජයග්‍රහණයට දායකත්වය ලබා දුන්නත්, ඔහුගේ දැවී යෑමත් සමඟ කඩාවැටීඹ ආරම්භ විය. හයේ පහර 3 ක් සහ හතරේ පහර 7 ක්ද සමඟ පන්දු 21 කදී ලකුණු 54 ක් රැස් කරගත් වමත් ආරම්භක පිතිකරුවා වනිඳු හසරංගගේ පන්දුවක් හමුවේ දැවී ගියේය. ඊළඟ පන්දුවේදී බෙන් ඩන්ක්වද දවා ගත් වනිඳු සිය නායකයාගේ බලාපොරොත්තු අකුරටම ඉටු කළේය.

වෙන්න යන දේ දැනගත් කුසල් මෙන්ඩිස් අනෙක් අන්තයෙන් රැඳී සිටිමින් කණ්ඩායම ගොඩ ගැනීමේ උත්සාහයක් ගත්තද කඩුලු අතර දිව යෑමේදී වූ අතපසුවීම නිසා දුවද්දී දැවී යෑමකට හසුව පිටියෙන් ඉවත්ව ගියේය. පන්දු 28 කට මුහුණ දුන් කුසල් ලකුණු 39 ක් ලබා සිටියේ හයේ පහරක් සහ හතරේ පහර 3ක් ඉනිමට ඇතුළත් කර ගනිමිනි. මාස 6 ක තරග තහනමකින් පසු එල්.පී.එල්. පිටියට පිවිස් මෙන්ඩිස් මෙම තරගාවලිය අහවර කළේ වැඩිම ලකුණු ලාභියා බවට පත් වෙමිනි. තරග 10 කට ක්‍රීඩා කළ මෙන්ඩිස් ප්‍රහාරාත්මක වේගය 148.63 ක් රඳවා ගනිිමන් මුලු ලකුණු 327 ක් රැස් කරමින් පිතිකරුවන් අතර පෙරමුණ ගත්තේය. මෙන්ඩිස්ට අමතරව මොහොමඩ් හෆීස්ද දුවද්දී දැවී යෑමකට හසුවීම ග්ලැඩියේටර් හඹා යෑමට දැඩි බලපෑමක් එල්ල කළේය.

පන්දු යැවීමේදී සහෝදරයින් වූ වනිඳු හසරංග සහ චතුරංගද සිල්වා කඩුලු 2 බැගින් බිඳ හෙළද්දී මහීෂ් තීක්ෂණ, ජේඩ්න් සීල්ස් සහ සුරංග ලක්මාල් එක් කඩුල්ල බැගින් දවා ගත්හ. කඩුල්ලක් දවා ගත්තද දැඩි ප්‍රහාරයකට ලක් වුණු මහීෂ් තීක්ෂණගේ පන්දුවාර 4 දී ලකුණු 51 ක් උදුරා ගැනීමට ප්‍රතිවාදී පිතිකරුවන් සමත්ව තිබිණ.

ධනංජය ලක්ෂාන් යැවූ අවසන් පන්දුවාරයේදී උදුරා ලකුණු 19 ත් සමඟ අවසන් මහ තරගයේදී ප්‍රතිවාදී ගෝල් ග්ලැඩියේටර්ස් පිල හමුවේ ලකුණු 202 ක අභියෝගාත්මක ඉලක්කයක් ලබා දීමට ජැෆ්නා කිංග්ස් කණ්ඩායමට අවස්ථාව උදාවිය. ධනංජයගේ අවසන් පන්දුවාරයට මුහුණ දුන් තිසර හයේ පහර 2 ක් සහ හතරේ පහරක් සමගින් පන්දු 9 කදී ලකුණු 17 ක් ලබා කිංග්ස් ලකුණු වේගය වැඩි කළේය. තිසරගේ ඉනිම සහ ෂොයෙබ් මලික්ගේ ඉනිම ප්‍රධාන කොට අවසන් පන්දුවාර 5 දී  ලකුණු 64 ක් ග්ලැඩියේටර් පන්දු යවන්නන්ගෙන් උදුරා ගැනීමට සමත්වූහ.

කාසියේ වාසිය දිනා ගැනීමත් සමඟ පන්දුවට පහර දුන් ජැෆ්නා කිංග්ස් පිලට සාර්ථක ආරම්භයක් ලබා දුන් අවිෂ්ක ප්‍රනාන්දු සහ රාමනුල්ලා ගුර්බාස් පළමු කඩුල්ල වෙනුවෙන් පන්දු 32 කදී ලකුණු 56 ක් රැස් කළහ. එම පිතිහරඹය ප්‍රධාන කොට පවර් ප්ලේ අවස්ථාවට හිමි පන්දුවාර 6 දී ලකුණු 61 ක් ලබා ගැනීමට කිංග්ස් පිලට හැකියාව ලැබිණ.

ලෝන් ඕන් කලාපයේ පන්දු රැකි කුසල් මෙන්ඩිස් උඩ පන්දුවක් රැක ගැනීම මත ගුර්බාස්ගේ ඉනිම අවසන් වුවත් සිය අන්තයෙන් දිගටම පහර දුන් අවිෂ්ක ප්‍රනාන්දු මෙවර තරගවාරයේ දෙවැනි අර්ධ ශතකය අද රැස් කර ගැනීමට සමත්වූවේය. දෙවැනි සුදුසුකම් ලැබීමේ තරගයේදී ශතකයක් ලබා ගැනීමට සමත්වූ දකුණත් ආරම්භක පිතිකරුවා අද දිනයේ පන්දු 41 කදී ලකුණු 63 ක් රැස් කළේය.

වේගය අඩාල කරමින් නුවන් තුෂාර එවන ලද පන්දුවකට එල්ල කරන ලද පහර මිඩ් විකට්හි පන්දු රැකි ධනුෂ්ක ගුණතිලකගේ දෑත් අතර සිරවීම නිසා අවිෂ්කගේ වටිනා ඉනිම ලකුණු 63 කදී නිමාවට පත්වද්දී ඉනිම හයේ පහර 2 ක් සහ හතරේ පහර 8 කින් වර්ණවත් කර ගත්තේය.

ගුර්බාස් දවා ගැනීමේ ගෞරවය හිමිකරගත් සමිට් පටෙල් මෙවර තරගාවලියේ වැඩිම කඩුලු ලාභියාවේ වාර්තාව තවත් ඉහළට රැගෙන ගියේය. දැවී යන විටත් ප්‍රවේගකාරී ඉනිමක් දියත් කර තිබූ ගුර්බාස් හයේ පහර 3 ක් සහ හතරේ පහර 3 ක් සමඟ පන්දු 18 කදී වේගවත් ලකුණු 35 ක් රැස් කරගෙන සිටියේය.

ආරම්භයේ සිටම පාලනය ගිලිහී යෑමට අමතරව දුර්වල උඩ පන්දු රැක ගැනීම් සහ පන්දු රැකීම් හමුවේ ග්ලැඩියේටර් පිලේ විශ්වාසයෙහි කිසියම් බිඳ වැටීමක් ක්‍රීඩාංගණය තුළ පෙන්නුම් කළේය. ඒ සියල්ල තමන්ගේවාසියට හරවා ගත් අවිෂ්ක ප්‍රනාන්දු සහ ටොම් කොලර් කැඩ්මෝර් දෙවැනි කඩුල්ල වෙනුවෙන්ද පන්දු 44 කදී ලකුණු 63 ක් සහ ෂොයෙබ් මලික් සහ කොලර් කැඩ්මෝර් පන්දු 34 කදී ලකුණු 62 ක් වශයෙන් ශක්තිමත් සම්බන්ධතා පැවැත්වූහ.එම සම්බන්ධතාවයේදී  ෂොයෙබ් මලික්ගේ දායකත්වය පන්දු 11 කදී ලකුණු 23 කි.    

අවසන් මහ තරගයේ වීරයා – අවිෂ්ක ප්‍රනාන්දු

තරගාවලියේ වීරයා – අවිෂ්ක ප්‍රනාන්දු

තරගාවලියේ නැගී එන ක්‍රීඩකයා – ජනිත් ලියනගේ (දඹුල්ල ජයන්ට්ස්)

ශක්තිවන්තම ක්‍රීඩකයා – තිසර පෙරේරා

DSC3176-960x640

ජැෆ්නා කිංග්ස් පැරදවූ ගෝල් ග්ලැඩියේටර්ස් අවසන් මහ සටනට

by with No Comment Match Report

එල්.පී.එල්. තරග ඉතිහාසයේ ඕනෑම කඩුල්ලක් වෙනුවෙන් වාර්තා කරන ලද ඉහළම ලකුණු සංඛ්‍යාවේ වාර්තාව බවට පත්වූ කුසල් මෙන්ඩිස් සහ ධනුෂ්ක ගුණතිලකගේ ලකුණු 121 ක සම්බන්ධතාවත් මෙවර තරගාවලියේ කඩුලු 5 ක් දවා ගන්නා ලද දෙවැනි පන්දු යවන්නා බවට නුවන් තුෂාර පත්වීමත් ප්‍රධාන කොට Play off තරග වටයේ සුදුසුකම් ලැබීමේ පළමු තරගයෙන් ජැෆ්නා කිංග්ස් පිලට එරෙහිව ලකුණු 64 ක ජයක් වාර්තා කළ ගෝල් ග්ලැඩියේටර්ස් කණ්ඩායම ලබන 23 වැනිදා පැවැත්වීමට නියමිත අවසන් මහ තරගයට සුදුසුකම් ලබා ගැනීමට අද (19 වැනිදා) රාත්‍රියේ සමත්විය.

ග්ලැඩියේටර්ස් පිල හමුවේ ජැෆ්නා කිංග්ස් පිට පිට ලද තෙවැනි තරග පරාජය බවටද පත්වූ මෙම තරග පරාජයත් සමඟ ඔවුන් එලිමිනේටර් තරගයේ ජයග්‍රාහකයින් වූ දඹුල්ල ජයන්ට්ස් පිල සමඟ තරග වදිනු ඇත. ලබන 21 වැනිදා පැවැත්වීමට නියමිත එම තරගයේ ජයග්‍රාහකයින් ලබන 23 වැනිදා ගෝල් ග්ලැඩියේටර්ස් පිල සමඟ වූ අවසන් මහ තරගයට ක්‍රීඩා කිරීමට සුදුසුකම් ලබනු ඇත.

පන්දු 120 කදී ලකුණු 189 ක අභියෝගය හෙවත් පන්දුවාරයකට ලකුණු 9.40 කට වඩා වැඩි දළ වේගයක් රඳවා ගැනීමේ අභියෝගය ඇතිව පිටියට පිවිසි ජැෆ්නා කිංග්ස් පිතිකරුවන්ට ප්‍රබල ග්ලැඩියේටර් පන්දු යවන්නන් හමුවේ පන්දුවාර 16.5 කදී සියලු දෙනා දැවී රැස් කරගත හැකි වූයේ ලකුණු 124 ක් පමණි.

එම හඹා යෑමේදී පළමු පන්දුවට දැවැන්ත හයේ පහරක් එල්ල කරමින් තරගයට අවතීර්ණ වීමට අවිෂ්ක ප්‍රනාන්දු සමත් වුවත් අමීර් එවූ ඊළඟ පන්දුවේදීම දැවී යෑම නිසා ආරම්භය බිඳ වැටිණ. ප්‍රබල පිතිකරුවන් රැසකගෙන් ජැෆ්නා පිල සමන්විත වුවත් රාමනුල්ලා ගුර්බාස් සහ අංක 7 පිතිකරුවා ලෙසින් පිටියට පිවිසි වනිඳු හසරංග හැරුණු කොට සෙසු එකම පිතිකරුවකට ලකුණු 10 සීමාවට ළඟා වීමට ග්ලැඩියේටර්ස් පන්දු යවන්නෝ අවස්ථාව ලබා නොදුන්හ.

පන්දු 37 කට මුහුණ දුන් ගුර්බාස් හයේ පහර 3 ක් සහ හතරේ පහර 4 ක් සමඟින් ලකුණු 59 ක් ලබා සිටියදී තුෂාරගේ පන්දුවක් හමුවේ දැවී ගියේය. ලසිත් මාලිංගගේ පන්දු යැවීමේ ඉරියව්වට සමාන ඉරියව්වකින් පන්දු යවන නුවන් තුෂාර අනතුරුව වටිනාම පිතිකරුවකු වූ ටොම් කොලර්-කැඩ්මෝර් (04) ගේ කඩුල්ල දවා ගත්තේය.

පළමු පන්දුවාර 3 දී ලකුණු 13 ක් පමණක් ලබා දෙමින් සිව්වැනි පන්දුවාරය යැවීමට 17 වැනි පන්දුවාරයේදී පැමිණි තුෂාර පළමු පන්දුවේදී වනිඳු හසරංගවද  (29), තෙවැනි පන්දුවේදී වහාබ් රියාස්වද (01) සහ පස්වැනි පන්දුවේදී මහීෂ් තීක්ෂණවද දවා ගනිමින් සිය පන්දුවාර 4 නිලකුණු පන්දුවාරයක්ද සමඟින් ලකුණු 13 කට කඩුලු 5 ක් ලෙසින් සටහන් කර ගත්තේය. මෙය මෙතෙක් එල්.පී.එල්. තරග ඉතිහාසයේ පන්දු යවන්නකු කඩුලු 5 ක් දවා ගත් තෙවැනි අවස්ථාව ලෙසින්ද සනිටුහන් විය.

තිසරගේ ආරාධනයෙන් පළමුව පන්දුවට පහර දුන් ග්ලැඩියේටර්ස් පිල වෙනුවෙන් සාර්ථක ආරම්භයක් එක් කළ ගුණතිලක – මෙන්ඩිස් පවර් අධිවේගී (Power play) පන්දුවාර 6 ට ලකුණු 61 ක සම්බන්ධතාවක් ගොඩ නැංවූහ. එතැනින් නොනැවතුණු ඔවුහු පළමු කඩුල්ලේ සම්බන්ධතාව වෙනුවෙන් ලකුණු 100 කඩඉම 66 පන්දුවේදී ඉක්මවා ගියහ. පන්දු 80 ක් පමණක් වැය වුණු මොවුන් දෙදෙනාගේ පළමු කඩුල්ලේ වූ ලකුණු 121 ක සම්බන්ධතාව මෙතෙක් එල්.පී.එල්. තරග ඉතිහාසයේ ඕනෑම කඩුල්ලක් වෙනුවෙන් වාර්තා වුණු ඉහළම ලකුණු සම්බන්ධතාවය ලෙසින් සටහන් විය. මීට පෙර එම වාර්තාවට හිමිකම් කියන ලද්දේ කලම්බු ස්ටාර්ස් පිලට එරෙහිව ලකුණු 110 ක සම්බන්ධතාවක් පැවැත්වූ ජැෆ්නා කිංග්ස් පිලේ ටොම් කොලර්-කැඩ්මෝර් සහ උපුල් තරංග විය.  

තරගයට මෙන් ලකුණු රැස් කළ ආරම්භක පිතිකරුවන් දෙදෙනා අතරින් පළමුව ලකුණු 50 සීමාව ඉක්මවා ගියේ ගුණතිලකය. ඔහු ඒ සඳහා පන්දු 34 ක් වැය කළේය. ෂොයෙබ් මලික්ට එරෙහිව එල්ල කරන ලද දැවැන්ත හයේ පහරත් සමඟ ගුණතිලක මෙවර තරග වාරයේ පළමු අර්ධ ශතකයට හිමිකම් කියද්දී ඊට පන්දුවකට  පසු මෙන්ඩිස් සිය අර්ධ ශතකය සපුරා ගත්තේය. පන්දු 42 කට මුහුණ දුන් ගුණතිලක ලබා ගන්නා ලද ලකුණු 55 ට හයේ පහරක් සහ හතරේ පහර 6 ක් ඇතුළත් කරගෙන තිබුණි.

ඉනිමේ වැඩිම ලකුණු ලාභියා වූ මෙන්ඩිස් 19 වැනි පන්දුවාරයේදී සිය ඉනිම නිමා කරන විට ලකුනු පන්දු 53 කට මුහුණ දී ලකුණු 85 ක් රැස් කරගෙන සිටියේය. හයේ පහර 4 ක් සහ හතරේ පහර 7 කින් සිය ඉනිම සරසා ගත් දකුණත් ආරම්භක පිතිකරුවා අද රැස් කර ගන්නා ලද්දේ සිය විස්සයි-20 තරග දිවියේ ඉහළම පෞද්ගලික ලකුණු සංඛ්‍යාව විය. මෙවර එල්.පී.එල්. තරගාවලියේ දෙවැනි අර්ධ ශතකය බවට පත්වූ මෙම ඉනිමත් සමඟ මෙතෙක් තරගාවලියේ වැඩිම ලකුණු ලාභීන් අතර පෙරමුණ ගැනීමටද මෙන්ඩිස් දැන් සමත්ව සිටියි. තරග 9 කට සහභාගිව සිටින මෙන්ඩිස් ප්‍රහාරක වේගය 150.00 ක් රඳවා ගනිමින් මුලු ලකුණු 288 ක් ලබා සිටියි.

තිසර පෙරේරාගේ පන්දුවක් කෙළින්ම කඩුල්ලේ වැදීම නිසා ගුණතිලක 14 වැනි පන්දුවාරයේදී දැවී ගියද අනෙක් අන්තයේ සිටි මෙන්ඩිස් පන්දුවෙන් පන්දුවට ලකුණු අතර සිටීම නිසා ග්ලැඩියේටර්ස් පිලට පහසුවෙන්ම ලකුණු 200 සීමාව ඉක්මවා යෑමට හොඳින්ම අවකාශ තිබිණ. එහෙත් 15 වැනි පන්දුවාරය ලකුණු 7 කටත් 17 වැනි  වැනි පන්දුවාරය ලකුණු 8 කටත් සීමා කිරීමට පන්දු යැවූ වනිඳු හසරංග සමත්වීම නිසා ග්ලැඩියේටර්ස් පිල පවත්වාගෙන ආ වේගය අඩාල විය.

පිතිකරණ පිළිවෙළේ උසස්වීමක් ලබමින් අංක 3 ස්ථානයෙන් පැමිණි අන්වර් අලී පන්දු 7 කදී ලකුණු 12 ක්ද නායක භානුක රාජපක්ෂ අවසන් පන්දු වාරය යැවූ වහාබ් රියාස්ට එරෙහි පිට පිට එල්ල කරන ලද හයේ පහර 2 ත් සමඟ පන්දු 15 කදී වේගවත් ලකුණු 25 ක් ලබා ලකුණු පුවරුව ඉහළ දැම්මේය. ග්ලැඩියේටර්වරුන් පිතිකරුවන්  පන්දු යැවීමට පැමිණි සෑම ජැෆ්නා පන්දු යවන්නකුම පන්දුවාරයකට ලකුණු 8.5 කට වඩා වැඩියෙන් රැස් කිරීමට සමත්වීම කැපී පෙනුණි. ඔවුන් සතු හොඳම පන්දු යවන්නන් වූ මහීෂ් තීක්ෂණ සහ වනිඳු හසරංග හමුවේ කඩුලු ලබා නොදීමට වග බලා ගත් ග්ලැඩියේටර්වරුන් එම පන්දුවාර 8 දී ලකුණු 67 ක් උදුරා ගැනීමට සමත්විය. තිසර පෙරේරා සහ වහාබ් රියාස් කඩුලු 2 බැගින් බිඳ හෙළද්දී සුරංග ලක්මාල් එක් කඩුල්ලක් බිඳ හෙළුවේය.

තරගයේ වීරයා – කුසල් මෙන්ඩිස්

ලකුණු සාරාංශය

ගෝල් ග්ලැඩියේටර්ස් පන්දුවාර 20 කදී කඩුලු 5 ක් දැවී ලකුණු 188 යි – (කුසල් මෙන්ඩිස් 85, ධනුෂ්ක ගුණතිලක 55, භානුක රාජපක්ෂ 25, අන්වර් අලී 12, වහාබ් රියාස් 39/2, තිසර පෙරේරා 36/2, සුරංග ලක්මාල් 29/1)

ජැෆ්නා කිංග්ස් පන්දුවාර 16.5 කදී සියලු දෙනා දැවී ලකුණු 124 යි – (රාමනුල්ලා ගුර්බාස් 59, වනිඳු හසරංග 29, නුවන් තුෂාර 13/5, ඉසුරු උදාන 19/1, පුලින තරංග 13/1, අන්වර් අලී 03/1)

Janith-Liyanage-L-and-Najibullah-Zadran-R-960x640

කලම්බු පරදා දඹුල්ල ඉදිරියට

by with No Comment Match Report

උඩ පන්දු අතහැරීම්, දුවද්දී දවා ගැනීම් ගිලිහීම් මෙන්ම පිතිකරණ අනුපිළිවෙළේ වූ අස්ථාවර භාවයන් සියල්ලම කලම්බු ස්ටාර්ස් කණ්ඩායමේ ඉදිරි ගමනට බාධාවන් බවට පත්වද්දී ඒ සියල්ල සිය වාසීන් බවට හරවා ගත් දඹුල්ල ජයන්ට්ස් ක්‍රීඩකයෝ තරගාවලියේ ඉදිරි ගමන සඳහා තීරණාත්මක වුණු ‘එලිමිනේටර්’ තරගයෙන් කඩුලු 6 ක ජයක් වාර්තා කිරීමට අද (19 දා) රාත්‍රියේදී සමත්වූහ. එම ජයග්‍රහණයත් සමඟ ලබන 21 වැනිදා පැවැත්වීමට නියමිත සුදුසුකම් ලැබීමේ තරග වටයේ දෙවැනි තරගය සඳහා දඹුල්ල ජයන්ට්ස් පිල සුදුසුකම් ලබා ගත් අතර පරාජිත කලම්බු ස්ටාර්ස් කණ්ඩායම තරගාවලියෙන් ඉවතට විසිවිය.

ලකුණු 146 ක ඉලක්කයක් හඹා යෑමේදී පළමු පන්දුවෙන්ම නිරෝෂන් දික්වැල්ලව දවා ගනිමින් සාර්ථක ආරම්භයක් ලබා දීමට දුෂ්මන්ත චමීර සමත් වද්දී ජයග්‍රහණය සඳහා තීරණාත්මක ඉනිමක් ක්‍රීඩා කරන ලද පිල් සෝල්ට් ලබා දුන් උඩ පන්දුව මිඩ් ඕන් හි පන්දු රැකි දිනේෂ් චන්දිමාල් අතින් ගිලිහී නොයන්නට තරගය මීට වඩා වෙනස් මුහුණුවරක් ගනු ඇත.

ලකුණු 03 දී අහිමිවන්නට ගිය ඉනිම, උඩ පන්දු ගිලිහී යෑමෙන් වරම් ලබා ගත් දකුණත් පිතිකරුවා තෙවැනි කඩුල්ල වෙනුවෙන් ජනිත් ලියනගේ සමඟ එක්ව වටිනා ලකුණු 48 ක් එක් කළහ. පන්දු 33 කදී වාර්තා වුණු එම සම්බන්ධතාවයේදී සෝල්ට්ගේ දායකත්වය පන්දු 21 කදී ලකුණු 32 කි. හයේ පහරක් සහ හතරේ පහර 4 ක් ඇතුළත් සෝල්ට්ගේ ඉනිමේදී ලකුණු 31 ක් ලබා සිටියදී කුසල් පෙරේරා වෙත ස්ටම්ප් කිරීමේ අවස්ථාවක් ලබා දුන් නමුත් එයද ගිලිහී ගියේය.

මෙවර තරගාවලියේ හොඳම සොයා ගැනීම බවට පත්ව සිටින ජනිත් ලියනගේ ලකුණු 146 ක ඉලක්කය හඹා යෑමේ නියමුවා වූයේ පන්දු 47 කදී නොදැවී ලකුණු 56 ක් ලබාගනිමිනි. එතරම් කලබලයක් නොපෙන්වූ දකුණත් පිතිකරුවා අවශ්‍ය වේගය රඳවා ගත්තේ හතරේ පහර 5 කින් ඉනිම සරසා ගනිමිනි.

නජිබුල්ලා සද්‍රාන් ට එක්වූ ජනිත් සිව්වැනි කඩුල්ල වෙනුවෙන් ලකුණු 61 ක් රැස් කරමින් සිය කණ්ඩායම ජයග්‍රහණය කරා රැගෙන ගියේ තවත් පන්දු 7 ක් ඉතිරිව තබා ගනිමිනි. ජයග්‍රහණයට වැදගත් දායකත්වයක් ලබා දුන් සද්‍රාන් පන්දු 28 කදී ලකුණු 34 ක් ලබා ගත්තේය. පන්දු යැවීමේදී දුෂ්මන්ත චමීර අද දිනයේදී පැයට කිලෝ මීටර 150 කට වඩා වේගයෙන් (150.3) පන්දුවක් යැවීම කැපී පෙනුණි. ප්‍රධාන වේග පන්දු යවන්නා සිය පන්දුවාර 4 ලකුණු 24 කට සීමා කරමින් කඩුල්ලක් දවා ගනිද්දී දඟ පන්දු යවන්නන් ලෙසින් ක්‍රීඩා කළ සීකුගේ ප්‍රසන්න සහ ජෙෆ්රි වැන්ඩර්සිට පන්දු යැවීමෙන් එතරම්ම අභියෝගයක් එල්ල කිරීමට නොහැකිවීම ස්ටාර්ස් පරාජයට තවත් හේතුවක් වන්නට විය.

ආරම්භයේ සිටම ඉතාමත් විශ්වාසයකින් යුතුව පන්දු යැවූ නුවන් ප්‍රදීප් සහ ජොෂ් ලිට්ල් පවර් ප්ලේ පන්දුවාර 6 න් 5 ක්ම යවමින් ප්‍රතිවාදීන්ට රැස් කර ගැනීමට අවස්ථාව ලබා දී තිබුණේ ලකුණු 24 ක් පමණි. ඒ අතරතුරදී කුසල් පෙරේරාගේ කඩුල්ල දවා ගැනීමට නුවන් ප්‍රදීප් සමත්විය. එම උඩ පන්දුව රැක ගත් චාමික කරුණාරත්න තරමක ආවේගශීලීත්වයක් පෙන්නුම් කිරීම කැපී පෙනුණු අතර ඒ පිළිබඳව දැවී ගිය කුසල් විනිසුරුවන්ට පැමිණිලි කිරීමද එම ඉනිම ආරම්භයේ කැපී පෙනුණු සිදුවීමක් විය.

කඩා වැටුණු ස්ටාර්ස් ඉනිම නඟා සිටුවීමේදී තෙවැනි කඩුල්ලට එක්වු ධනංජය ද සිල්වා සමඟ එක්වූ පැතුම් නිස්සංක පන්දු 25 කදී ලකුණු  42 ක්ද ඇන්ජලෝ මැතිව්ස් සමඟ එක්ව සිව්වැනි කඩුල්ල වෙනුවෙන් ලකුණු 28 ක් රැස් කිරීමට සමත්වූහ. ආරම්භය බිඳ වැටුණු ස්ටාර්ස් ඉනිමේ පළමු ලකුණු 50 එම ඉනිමේ 49 වැනි පන්දුවේදී සනිටුහන් වද්දී 100 වැනි ලකුණු 16 වැනි පන්දුවාරයේ සිව්වැනි පන්දුව තෙක්ම ප්‍රමාදවිණ.

ඉතා හොඳින් සිය වගකීම ඉටු කළ ඉම්රාන් තහීර් සහ නුවන් ප්‍රදීප් කඩුලු 2 බැගින් දවා ගත් අතර ඔවුන්ගේ ලකුණු ලබා දීමද පන්දුවාරයකට 6.25 ට අඩුවෙන් තබා ගත්හ. කඩුලු දවා ගැනීමට නොහැකි වුවත් ජොෂ් ලිට්ල් සිය පන්දුවාර 4 ලකුණු 24 කදී සීමා කරමින් ප්‍රතිවාදී පිතිකරුවන්ට දැඩි පීඩනයක් එල්ල කළේය. ස්ටාර්ස් පිලේ පිතිකරුවන් රැසක්ම දකුණත් වූවන් බැවින් දඹුල්ල පිලේ ප්‍රධානම දඟ පන්දු යවන්නා වන රමේෂ් මෙන්ඩිස් එකම පන්දුවාරයක් හෝ යැවීම කැපී පෙනණ.

ඇන්ජලෝ මැතිව්ස් විසින් එල්ල කරන ලද හයේ පහරත් සමඟ ලකුණු 100 සීමාව ඉක්මවා ගිය ස්ටාර්ස් කණ්ඩායමේ ඉතිරි ලකුණු 45 රැස් කිරීම පන්දු 26 කදී සිදුවිය. ලකුණු ලබා ගැනීමේ වේගය වැඩි කළ නායක මැතිව්ස් අවසන් වනතෙක්ම කඩුල්ලේ රැඳෙමින් පන්දු 34 කදී ලකුණු 50 ක් රැස් කර ගත්තේය. හයේ පහර 2 ක් සහ හතරේ පහර 4 ක් ඇතුළත් වුණු මැතිව්ස්ගේ ඉනිමට අමතරව අවසන් පන්දු 3 ට මුහුණ දීමට පැමිණි ඇෆ්ගනිස්තාන ක්‍රීඩක කරීම් සමිට් හයේ පහරක් සහ හතරේ පහරක් සමඟින් පන්දු 3 කදී ලකුණු 11 ක් රැස් කරමින් ලකුණු පුවරුව ඉහළ දැමීය.

තරගාවලියේ වැඩිම ප්‍රහාරාත්මක වේගයක් සනිටුහන් කර ගැනීමට සමත්ව සිටින පිතිකරුවන් දෙදෙනා අතර පසුවන දිනේෂ් චන්දිමාල්ට පෙර සීකුගේ ප්‍රසන්නව පන්දුවට පහර දීමට එවුවද කලමනාකාරීත්වය බලාපොරොත්තු වූ වේගය ප්‍රසන්නට ලබාදීමට නොහැකි විය. පන්දු 11 කට මුහුණ දුන් ප්‍රසන්න රැස් කරගත්තේ ලකුණු 7 ක් පමණි.

තරගයේ වීරයා – ජනිත් ලියනගේ

ලකුණු සාරාංශය

කලම්බු ස්ටාර්ස් පන්දුවාර 20 කදී කඩුලු 6 කට ලකුණු 145 යි – (ඇන්ජලෝ මැතිව්ස් 50*, පැතුම් නිස්සංක 42, ටොම් බැන්ටම් 13, ධනංජය ද සිල්වා 15, කරීම් ජනට් 11*, නුවන් ප්‍රදීප් 23/2, ඉම්රාන් තහීර් 25/2, චාමික කරුණාරත්න 31/1)
දඹුල්ල ජයන්ට්ස් පන්දුවාර 18.5 කදී කඩුලු 4 ක් දැවී ලකුණු 146 යි – (ජනිත් ලියනගේ 56*, නජිබුල්ලා සද්‍රාන් 34, පිල් සෝල්ට් 32, සඳුන් වීරක්කොඩි 10, චාමික කරුණාරත්න 10*, දුෂ්මන්ත චමීර 24/1, නවීන් උල්හක් 26/1, සීකුගේ ප්‍රසන්න 36/1, ජෙෆ්රි වැන්ඩර්සි 34/1)

Janith Liyanage (1)

Dambulla Giants defeat Colombo Stars by 6 wickets in Eliminator

by with No Comment Match Report

The Dambulla Giants kept their title hopes alive after defeating Colombo Stars by 6 wickets in the Eliminator match of the Lanka Premier League on Sunday. The Giants will take on the losing team of the Qualifier 1 match between Jaffna Kings and Galle Gladiators in Qualifier 2 on Monday. After restricting the Stars to 145/6 in their 20 overs, the Giants chased down their target in 18.5 overs.

Dushmantha Chameera got the Stars off to a great start with the ball by dismissing Niroshan Dickwella on the very first ball of the Dambulla Giants’ innings. The Stars stayed in the game by taking the wicket of Sandun Weerakkody in the fourth over, reducing the Giants to 20/2. However, Philip Salt, Janith Liyanage and Najibullah Zadran chipped in with scores of 32, 56* and 34 respectively and ensured that the Giants walked off the ground as winners of the match.

Janith Liyanage played a brilliant innings of 56* runs from 47 balls and strung crucial partnerships with Salt and Zadran. Liyanage struck 5 boundaries during his innings.

Earlier, Captain Angelo Mathews’ magnificent innings of 50 runs from 34 balls, laced with 4 boundaries and 2 sixes helped the Colombo Stars put up a fighting total on the board. Pathum Nissanka also chipped in with an innings of 42 runs from 39 balls. He struck 4 boundaries during his innings.

Nuwan Pradeep set the tone with the ball for the Dambulla Giants by taking the wicket of Kusal Perera in the second over. Thereafter, the Stars couldn’t string partnerships and kept losing wicket at regular intervals. Nuwan Pradeep and Imran Tahir were the pick of the bowlers for the Giants with figures of 2/23 and 2/25 respectively. 

DSC0528-960x640

‘කැන්ඩි’ පරදා ‘කලම්බු’ හම්බන්තොට යයි

by with No Comment Match Report

තරග 7 ක් තිස්සේ සඟවාගෙන සිටි ප්‍රවේගකාරී පිතිහරඹයේ කුසලතාවයන් අවශ්‍යම මොහොතේදී ක්‍රියාවට නැංවීමට කුසල් පෙරේරා ප්‍රමුඛ පිතිකරුවෝ සමත්වීමත් එල්.පී.එල්. තරග ඉතිහාසයේ පන්දු යවන්නකු වාර්තා කරන ලද හොඳම පන්දු යැවීම ජෙෆ්රි වැන්ඩර්සි වාර්තා කිරීමට සමත්වීමත් හේතුකොට කැන්ඩි වොරියර්ස් පිලට  එරෙහිව ලකුණු 58 ක ජයක් වාර්තා කළ කලම්බු ස්ටාර්ස් කණ්ඩායම හම්බන්තොටදී පැවැත්වෙන අවසන් කණ්ඩායම් 4 අතර තරග වටයට අද (17 දා) රාත්‍රියේ සුදුසුකම් ලබාගත්හ.

මෙම ජයග්‍රහණයත් කලම්බු ස්ටාර්ස් පිල ජැෆ්නා කිංග්ස්, ගෝල් ග්ලැඩියේටර්ස් සහ දඹුල්ල ජයන්ට්ස් කණ්ඩායම් සමඟ ලබන 19 වැනිදා හම්බන්තොටදී ආරම්භ වීමට නියමිත අවසන් කණ්ඩායම් 4 අතර තරග වටයේදී තරග වදිනු ඇත. ස්ටාර්ස් පිලේ පළමු තරගය වන්නේ දඹුල්ල ජයන්ට්ස් පිලට එරෙහිව 19 වැනිදා පැවැත්වෙන ‘එලිමිනේටර්’ තරගය වේ.

ජයග්‍රහණය සඳහා ලකුණු 183 ක ඉලක්කයක් හඹා යෑමේදී චරිත් අසලංක සහ රවී බොපාරා එක්ව පන්දු 36 කදී ලකුණු 54 ක සම්බන්ධතාවක් ගොඩ නඟා ගනිමින් ජයග්‍රහණය දෙපිළටම විවෘත තත්ත්වයකට රැගෙන ඒමට සමත්වූහ. ආරම්භක පිතිකරුවන් වූ කෙනාර් ලුවිස් සහ මිනෝද් භානුකගේ කඩුලු එකම පන්දුවාරයකදී දවා ගත් වැන්ඩර්සි තෙවැනි කඩුල්ලේ සම්බන්ධතාව අතරටද පිවිස අසලංකව දවා ගත්තේය. අනතුරුව පන්දු 3 ක් ඇතුළත අත්‍යවශ්‍යම පිතිකරුවකු වූ රවී බොපාරා සහ ඇන්ජලෝ පෙරේරාගේ කඩුලු දවා ගැනීමට සීකුගේ ප්‍රසන්න සමත්වීමත් නිසා වොරියර්ස් පිලෙන් තරගය ගිලිහින. අවසානයේ ඔවුන් පන්දුවාර 17 කදී ලකුණු 124 කට සීමා විය.

ආරම්භක පන්දු යවන්නා ලෙසින් කටයුතු කළ වැන්ඩර්සි 17 වැනි පන්දුවාරයේදී වොරියර්ස් පිලේ අවසන් කඩුලු 3 ටම වගකියමින් එල්.පී.එල්. තරග ඉතිහාසයේ හොඳම පන්දු යැවීමේ වාර්තාව සිය නම ඉදිරියෙන් සටහන් කර ගත්තේය. ඉකුත් වසරේ පැවැති තරගාවලියේදී ගෝල් ග්ලැඩියේටර්ස් පිලේ මොහොමඩ් අමීර් ජැෆ්නා පිලට එරෙහිව ලකුණු 26 ක් ඇතුළත දවා ගන්නා කඩුලු 5 මීට පෙර හොඳම පන්දු යැවීම ලෙසින් සටහන්විය. ඉතා ඉහළ දක්ෂතාවයක් පෙන්නුම් කළ වමත් පා දඟ පන්දු යවන්නා නිලකුණු ඕවරයක්ද සමඟ පන්දුවාර 4 දී ලකුණු 25 ක් පමණක් ලබා දී කඩුලු 6 ක් දවා ගනු ලැබුවේ තරගයේ වීරයා සම්මානයටද හිමිකම් කියමිනි.

අවශ්‍යම මොහොතේ ලකුණු අතරට පැමිණි කුසල් පෙරේරා සහ ධනංජය ද සිල්වා එක්ව දෙවැනි කඩුල්ල වෙනුවෙන් රැස් කරන ලද ලකුණු 79 මෙම ජයග්‍රහණයට මූලික අඩිතාලම එළන ලද සම්බන්ධතාව බවට පත්විය. පන්දු 43 කදී ගොඩ නැංවුණු එම සම්බන්ධතාවයේදී ධනංජයද සිල්වාගේ දායකත්වය පන්දු 28 කදී ලකුණු 40 ක් විය. හතරේ පහර 7 ක් ද සමඟ ගොඩනැඟුණු එම වටිනා ඉනිම නිසා පවර් ප්ලේ පන්දුවාර 6 දී ලකුණු 60 ක් රැස් කර ගැනීමට ස්ටාර්ස් පිලට හැකියාව ලැබිණ.

එල්.පී.එල්. තරග දිවියේ දෙවැනි අර්ධ ශතකයට අද හිමිකම් කී කුසල් පෙරේරා ස්ටාර්ස් ඉනිමේ වැඩිම ලකුණු ලාභියා වූවේය. පන්දු 38 කදී ලකුණු 58 ක් ලෙසින් සටහන් වුණු එම ඉනිම, හයේ පහර 2 කින් සහ හතරේ පහර 6 කින් වර්ණවත් විය.

කුසල්ගේ දැවී යෑමෙන් පසු ස්ටාර්ස් පිලේ ලකුණු ලබා ගැනීමේ වේගය කිසියම් පසුබෑමක් පෙන්නුම් කළ අතර එම දැවී යෑමෙන් පන්දු 26 ක් යන තෙක් හතරේ සීමාවෙන් එපිටට පන්දුව යැවීමට පන්දු යවන්නෝ අවස්ථාව ලබා නොදුන්හ. එබැවින් 15 වැනි පන්දුවාරය අවසන් වන විට ස්ටාර්ස් ලකුණු පුවරුව කඩුලු 5 කට ලකුණු 118 ක් ලෙසින් දිස්විය. කෙසේ වෙතත් දිනේෂ්චන්දිමාල්ට එක්වූ ඇන්ජලෝ මැතිව්ස් ලකුණු 180 කට එහා ඉලක්කයකට අවශ්‍ය අඩිතාලම එක් කළහ.

මෙවර තරගාවලියේ වැඩිම අවධානයක් දිනා සිටින පිතිකරුවන් අතරට එක්ව සිටින චන්දිමාල් අද දිනයේදීත් පන්දු 29 කදී නොදැවී ලකුණු 44 ක් රැස් කළේය. එම ඉනිම ප්‍රධාන කොට අවසන් පන්දු වාර 5 දී ලකුණු 64 ක් වොරියර්ස් පන්දු යවන්නන්ගේ උදුරා ගැනීමට ස්ටාර්ස් පිලට අවස්ථාව උදාවිය. අල් අමීන් හොසෙන් යවන ලද අවසන් පන්දුවාරයේදී රැස් කර ගන්නා ලද ලකුණු 16 ත් සමඟින් නියමිත පන්දුවාර 20 අවසනදී ලකුණු 183 ක අභියෝගයක් වොරියර්ස් පිල හමුවේ ස්ටාර්ස් ක්‍රීඩකයෝ තැබූහ.

පන්දු යැවීමේදී නිමේෂ් විමුක්ති ලකුණු 24 කට කඩුලු 3 ක් දවා ගැනීමට සමත් වද්දී අල් අමීන් හොසේන් සහ ශිරාස් අහමඩ් දැරි ප්‍රහාරයකට ලක්වීම කැපී පෙනුණු. ඔවුන් දෙදෙනා විසින් ක්‍රියාත්මක කරන ලද පන්දුවාර 6 දී ලකුණු 87 ක් ස්ටාර්ස් පිතිකරුවන් උදුරාගැනීමට සමත්ව තිබුණි.

තරගයේ වීරයා – ජෙෆ්රි වැන්ඩර්සි

ලකුණු සාරාංශය

කලම්බු ස්ටාර්ස් පන්දුවාර 20 කදී කඩුලු 6 ක් දැවී ලකුණු 182 යි – (කුසල් පෙරේරා 58, ධනංජය ද සිල්වා 40, දිනේෂ් චන්දිමාල් 40*, ඇන්ජලෝ මැතිව්ස් 29, නිමේෂ් විමුක්ති 24/3, අල් අමීන් හොසේන් 40/1, සචිඳු කොළඹගේ 17/1)

කැන්ඩි වොරියර්ස් පන්දුවාර 17 කදී ලකුණු 124 යි – (රවී බොපාරා 47, චරිත් අසලංක 14, අසේල ගුණරත්න 17, කෙනාර් ලුවිස් 21, කමිඳු මෙන්ඩිස් 13, ජෙෆ්රි වැන්ඩර්සි 25/6, සීකුගේ ප්‍රසන්න 27/2, නවීන් උල්හක් 09/1)

Galle-Gladiators-vs-Jaffna-Kings19 (1)

‘කිංග්ස්’ ජයග්‍රාහී රැල්ල ‘ග්ලැඩියේටර්ස්වරුන්’ බිඳ දමයි

by with No Comment Match Report

පිට පිටම තරග 6 ක් ජයගනිමින් ජැෆ්නා කිංග්ස් පවත්වාගෙන ආ ජයග්‍රාහි රැල්ල බිඳ දැමීමට ගෝල් ග්ලැඩියේටර් ක්‍රීඩකයෝ අද (17 දා) සමත්වූහ. ලංකා ප්‍රිමියර් ලීග් තරගාවලියේ 19 වැනි තරගය බවට පත් එම තරගයේදී ලකුණු 20 ක ජයක් වාර්තා කළ ග්ලැඩියේටර්වරුන් මූලික තරග වටයේදී ජැෆ්නා කිංග්ස්ට එරෙහිව අපරාජිත භාවය රැක ගැනීමද කැපී පෙනුණි. දෙවැනි එල්.පී.එල්. තරගාවලිය ආරම්භක තරගය බවට පත් වුණු ගෝල් ග්ලැඩියේටර් සහ ජැෆ්නා කිංග්ස් අතර තරගය ජය ගත් ග්ලැඩියේටර්වරු මූලික වටයේ ඔවුන් යළි මුණ ගැසුණු දෙවැනි අවස්ථාවේදීද ජය වාර්තා කිරීම කැපී පෙනෙයි.

ජයග්‍රහණය සඳහා ලකුණු 130 ක ඉලක්කයක් හඹා යෑමේදී ජැෆ්නා කිංග්ස් පිතිකරුවන් සිර කර ගබා ගත් ග්ලැඩියේටර් පන්දු යවන්නෝ පන්දුවාර 18.3 ක් අවසානයේදී ඉනිම ලකුණු 109 කදී හමාර කළහ. තියුණු ලෙස දඟ කැවෙමින් තිබූ තණතීරුවේදී පන්දු යැවීම මෙන්ම ඉසුරු උදාන අතහැර දැමූ උඩ පන්දුව හැර ග්ලැඩියේටර්වරුන්ගේ පන්දු රැකීමද ඉතාම විශිෂ්ඨ මට්ටමක පැවැතිණ.

ප්‍රවේගකාරී පිතිකරණයේදී පන්දු 15 කදී ලකුණු 21 ක් ලබා ගත් රාමනුල්ලා ගුර්බාස්ව පිටියෙන් ඉවත් කළ සමිට් පටෙල් ටොම් කොලර්-කැඩ්මෝර්ගේ කඩුල්ලද දවා ගනිමින් ග්ලැඩියේටර් පිලට ජයග්‍රාහී මාවත විවර කර දුන්නේය. ලකුණු 10 ක් ඇතුළත ඔවුන් දෙදෙනාම පිටියෙන් ඉවත් වුවත චතුරංග ද සිල්වාට එක්වූ ෂොයෙබ් මලික් සිව්වැනි කඩුල්ලට 27 ක් එක් කරමින් කිංග්ස් ඉනිම ගොඩ ගැනීමට අසීරු උත්සාහයක් ගත්හ.

තරගාවලිය අතරතුරදී කණ්ඩායමට එක් වුණු සහන් ආරච්චිගේ විසින් චතුරංග දවා ගැනීමත් සමග කිංග්ස් ඉනිමේ කඩුලු එක පිට එක වැටීයෑම ඇරැඹිණ. සමිට් පටෙල්ට අමතරව කඩුලු 2 ක් දවා ගත් අනෙක් පන්දු යවන්නා වූ නූර් අහමඩ් ජයග්‍රහණයට තීරණාත්මකම ෂොයෙබ් මලික්ගේ කඩුල්ල දවා ගත්තේය. අහමඩ්ගේ නම ඉදිරියෙන් එම කඩුල්ල සටහන් වුවත් සියළු ගෞරව ෂෝර්ට් තර්ඩ්මෑන් කළාපයේ සිට උඩ පන්දුව රැකී මොහොමඩ් හෆීස්ට හිමිවිය යුතුය.

කිංග්ස් ඉනිමේ මැද භාගයේදී පන්දු යවන්නන් විසින් පාලනයකට නතු කර ගැනීම නිසා පන්දු සංඛ්‍යාවට වඩා ලබාගත යුතු ලකුණු සංඛ්‍යාවේ පරතරය වැඩිවිය. ඒ අනුව පීඩනය වැඩි කළ ග්ලැඩියේටර් පන්දු යවන්නෝ අවසන් කඩුලු 7 ම ලකුණු 39 ක් ඇතුළතදී දවා ගත්හ.

වැඩි ලකුණු සංඛ්‍යාවක් ලකුණු පුවරුවේ රඳවමින් ප්‍රතිවාදීන් වෙත පීඩනයක් එල්ල කිරීම ග්ලැඩියේටර් පිලේ සැලසුම වුවත්, එකම පිතිකරුවකුට හෝ ලකුණු 25 සීමාව ඉක්මවා රැස් කර ගැනීමට නොහැකි වූහ. වැඩිම ලකුණු ලාභියා ලෙසින් ලකුණු 23 ක් ලබා ගත් භානුක රාජපක්ෂ ඉදිරියෙන් සිටියත් ඒ සඳහා ඔහු පන්දු 25 කට මුහුණ දී තිබුණේය.

වනිඳු හසරංග වෙනුවට අද තරගයට කැඳවා තිබූ ප්‍රවීන් ජයවික්‍රම කිංග්ස් පිල වෙනුවෙන් හොඳම පන්දු යැවීම වාර්තා කර ගත්තේය. පිතිකරුවන් මෙල්ල කිරීම වෙනුවෙන් නායක තිසර පන්දු යවන්නන් 7 දෙනෙකුගේ සහයෝගය ලබා ගනිද්දී ඔවුන් විසින් නිලකුණු පන්දු 58 ක් සටහන් කරගැනීමට සමත්වූහ. ඒ අතරින් ජයවික්‍රමට එරෙහිව එකම හයේ පහරක් හෝ හතරේ පහරක් එල්ල කිරීමට ප්‍රතිවාදී පිතිකරුවෝ අසමත්වූහ.

ආරම්භක පිතිකරු ධනුෂ්ක ගුණතිලක අද තරගයේදීද ලකුණු අතරට ඒමට අපොහොසත් විය. ගිය වර තරගාවලියේ තරග 10 කට ක්‍රීඩා කරමින් ලකුණු 476 ක් රැස් කරගත් ගුණතිලක මෙවර තරගාවලියේ සහභාගිවූ තරග 8 දී රැස් කර ගන්නා ලද්දේ ලකුණු 98 ක් පමණි. ඒ අතරින් තෙවැනි තරගයේ රැස් කරන ලද ලකුණු 45 ඉහළම ලකුණු සංඛ්‍යාව ලෙසින් සටහන් විය. අද තරගයේදී රැස් කරන ලද ලකුණු 19 හැරුණු කොට 22, 14, 5, 3*, 45, 1 සහ 8 වශයෙන් ගුණතිලකගේ ඉනිම සටහන් විය.  

ග්ලැඩියේටර් පන්දු යවන්නන් මෙන්ම කිංග්ස් පන්දු යවන්නන්ද කෙතරම් හොඳින් පන්දු යැවුවේද කිවහොත් ප්‍රතිවාදීන් හමුවේ හයේ පහරක් එල්ල කිරීමට අවස්ථාව සලසා දුන්නේ එක් අවස්ථාවකදී පමණි. සහන් ආරච්චිගේ විසින් එම පහර එල්ල කරද්දී සමස්ථ ඉනිමේ නිලකුණු පන්දු සංඛ්‍යාව පන්දුවාර 10 කට අඩු වූයේ 2 ක් පමණි.

ඒ අනුව තරගාවලියේ මීළඟ අදියර හෙවත් හම්බන්තොටදී පැවැත්වෙන අවසන් තරග වටයේදී සුදුසුකම් ලැබීමේ පළමු තරගය යටතේ ගෝල් ග්ලැඩියේටර්ස් සහ ජැෆ්නා කිංග්ස් පිල තරග වැදීමට නියමිතව තිබේ. එම තරගය දෙසැම්බර් 19 වැනිදා පස්වරු 7.30 ට සූරියවැව මහින්ද රාජපක්ෂ ක්‍රීඩාංගණයේදී ආරම්භ වේ.

තරගයේ වීරයා – භානුක රාජපක්ෂ

ලකුණු සාරාංශය

ගෝල් ග්ලැඩියේටර්ස් පන්දුවාර 20 කදී කඩුලු 9 ක් දැවී ලකුණු 129 යි – (භානුක රාජපක්ෂ 23, ධනුෂ්ක ගුණතිලක 19, මොහොමඩ් හෆීස් 15, සහන් ආරච්චිගේ 14, පුලින තරංග 14, ප්‍රවීන් ජයවික්‍රම 13/2, විජේකාන්ත් වියස්කාන්ත් 21/2, වහාබ් රියාස් 31/2, ෂොයෙබ් මලික් 16/1)

ජැෆ්නා ස්ටැලියන්ස් පන්දුවාර 18.3 කදී සියලු දෙනා දැවී ලකුණු 109 යි – (ෂොයෙබ් මලික් 23, රාමනුල්ලා ගුර්බාස් 21, අශේන් බණ්ඩාර 18, සමිට් පටෙල් 15/2, නූර් අහමඩ් 12/2, මොහොමඩ් හෆීස් 23/1, මොහොමඩ් අමීර් 25/1, සහන් ආරච්චිගේ 09/1)

untitled-14

‘කැන්ඩි වොරියර්ස්’ අවසන් 4 ට කිට්ටු කරයි

by with No Comment Match Report

අවසන් කණ්ඩායම් 4 අතරට සුදුසුකම් ලබා ගැනීමට නම් ජයග්‍රහණය අනිවාර්යය වූ 7 වැනි තරගයේදී දඹුල්ල ජයන්ට්ස් පිල කඩුලු 6 ක පරාජයකට ඇද දැමූ කැන්ඩි වොරියර්ස් ක්‍රීඩකයෝ දෙවැනි තරග වටය සඳහා තවදුරටත් බලාපොරොත්තු රඳවා තබා ගැනීමට අද (16 දා) රාත්‍රියේ සමත්වූහ. ඒ අනුව අවසන් කණ්ඩායම් 4 අතර තරග වටයට සුදුසුකම් ලබන්නේ කුමන කණ්ඩායමද යන්න පළමු වටයේ අවසන් තරගය ලෙසින් හෙට දිනයේ පැවැත්වීමට නියමිත කලම්බු ස්ටාර්ස් සහ කැන්ඩි වොරියර්ස් අතර තරගයේ තීරණය මත පදනම් වනු ඇත.

ජයග්‍රහණය සඳහා ලකුණු 131 ක ඉලක්කයක් හඹා යෑමේදී අනගි ඉනිමක් ක්‍රීඩා කළ රවී බොපාරා එල්ල කරන ලද හයේ පහරත් සමඟ පන්දු 4 ක් ඉතිරිව තිබියදී කැන්ඩි වොරියර්ස් ජයග්‍රහණය සනිටුහන් විය. පන්දු යැවීමේදී ඉම්රාන් තහීර් සහ රමේෂ් මෙන්ඩිස් සිය පන්දුවාර 8 ලකුණු 36 කදී සීමා කරමින් වොරියර්ස් පිලට දැඩි තර්ජනයක් ගෙන දුන්නත් ඉලක්කය අඩු අගයක් ගැනීම නිසා ප්‍රතිවාදීන්ගේ ගමන වළකාලීමට ඔවුන්ට නොහැකි විය.

සිය පරිණත භාවය මැනවින් ප්‍රයෝජනයට ගත් බොපාරා පන්දු 50 කදී ලකුණු 59 ක් ලබා ගනිමින් පෙරමුණ ගත්තේය. නායක ඇන්ජලෝ පෙරේරාට එක්වූ බොපාරා හයේ පහර 2 ක් සහ හතරේ පහර 3 ක් ද සමඟ  6 වැනි කඩුල්ල වෙනුවෙන් පන්දු 43 කදී රැස් කරන ලද ලකුණු 60 ක නොබිඳුණු සම්බන්ධතාවය වොරියර්ස් ජයග්‍රහණය පහසු කරවූයේය. ඒ වෙනුවෙන් ඇන්ජලෝ පෙරේරාගේ දායකත්වය පන්දු 22 කදී ලකුණු 29 ක් විය.

මෙතෙක් පැවැති තරග 18 දී කණතීරුවේ වැඩි දායකත්වයක් දඟ පන්දු යවන්නන්ට ලබා දුන්නත් ජයන්ට්ස් පිලේ දැවී ගිය කඩුලු 9 න් 7 ක්ම වේග පන්දු යවන්නන් විසින් දවා ගැනීම කැපී පෙනුණි. ඒ අතරට ඇතුළත් දසුන් ශානක ආබාධයක් හේතුවෙන් ලකුණු 4 ක් ලබා සිටියදී පිටියෙන් ඉවත්ව ගියේය. කඩුලු 9 ක් බිඳ වැටී තිබියදීත් ඔහු නැවතත් පන්දුවට පහර දීමට නොපැමිණීම වොරියර්ස් පිලට දැඩි පාඩුවක් ගෙන දුන්නේය.

ආරම්භක පිතිකරුවන් වූ පිල් සෝල්ට් සහ නිරෝෂන් දික්වැල්ලගේ කඩුලු පළමුව දවා ගත් බිනුර 18 වැනි පන්දුවාරයේදී ජයන්ට්ස් පිලේ සචිත ජයතිලකගේ (34) කඩුල්ලද දවා ගනිමින් සිය පන්දුවාර 4 දී ලකුණු 22 කට සීමා කරමින් වැඩිම දක්ෂතාවය දැක්වූ පන්දු යවන්නා බවට පත්වූවේය. ඔහුට අමතරව අල් අමීන් හොසේන්ද ලකුණු 32 කට කඩුලු 3 ක් සහ මොහොමඩ් ශිරාස් එක් කඩුල්ලක්ද බිඳ හෙළූහ.

දසුන්ගේ නික්ම යෑමත් සමඟ නැවත නජිබුල්ලා සද්‍රාන් සහ චාමික කරුණාරත්නගේ කඩුලු දවා ගත් අල් අමීන් හොසේන් 11 වැනි පන්දුවාරය වන විට දඹුල්ල ලකුණු පුවරුව ලකුණු 56 කට කඩුලු 5 ක් ලෙස අසරණ කර දැම්මේය. කෙසේ වෙතත් සචිත ජයතිලකට එක් වූ රමේෂ් මෙන්ඩිස් 6 වැනි කඩුල්ල වෙනුවෙන් පන්දු 46 කදී ලකුණු 49 ක සම්බන්ධතාවක් පැවැත්වීමට සමත්වීම නිසා දඹුල්ල පිළට යන්තම් හිස එසවීමට අවස්ථාව උදාවිය. 11 වැනි පන්දුවාරයේදී පිටියට පිවිසි රමේෂ් අවසන් පන්දුවාරයේ අවසන් පන්දුවට දැවී යන තෙක්ම කඩුල්ලේ රැඳෙමින් වොරියර්ස් ලකුණු පුවරුව ලකුණු 130 ක් දක්වා ඉහළ දමා ගැනීමට දැඩි දායකත්වයක් ලබා දුන්නේය.

පන්දු 28 ට මුහුණ දුන් දකුණත් පිතිකරුවා ලකුණු 41 ක් රැස් කරගත්තේ හයේ පහරක් සහ හතරේ පහර 2 ක් ඉනිමට ඇතුළත් කර ගනිමිනි. ඔහු සමඟ පන්දුවට පහර දුන් සචිත ජයතිලක පන්දු 40 කට මුහුණ දෙමින් ලකුණු 34 ක් ලබා ගත්තේය. පන්දු රැකීමේදීද වොරියර්ස් ක්‍රීඩකයින් ඉතා ඉහළ විශ්වාසයකින් යුතුව කටයුතු කළ අතර එහිදී කෙනාර් ලුවිස් සහ නායක ඇන්ජලෝ පෙරේරා රැක ගන්නා උඩ පන්දු විශීෂ්ඨ ක්‍රියාකාරකම් අතර කැපී පෙනුණි.

තරගයේ වීරයා –

ලකුණු සාරාංශය

දඹුල්ල ජයන්ට්ස් පන්දුවාර 20 කදී කඩුලු 9 ක් දැවී ලකුණු 130 යි – (රමේෂ් මෙන්ඩිස් 41, සචිත ජයතිලක 34, නජිබුල්ලා සද්‍රාන් 14, නිරෝෂන් දික්වැල්ල 12, බිනුර ප්‍රනාන්දු 22/3, අල් අමීන් හොසේන් 32/3, ශිරාස් අහමඩ් 26/1, නිමේෂ් විමුක්ති 22/1)

කැන්ඩි වොරියර්ස් පන්දුවාර 19.2 කදී කඩුලු 4 ක් දැවී ලකුණු 135 යි – (රවී බොපාරා 59*, කෙනාර් ලුවිස් 27, ඇන්ජලෝ පෙරේරා 29*, ඉම්රාන් තහීර් 17/2, රමේෂ් මෙන්ඩිස් 19/2)

Tom-Kohler-Cadmore-L-2-960x640 (1)

‘ස්ටාර්ස්’ හමුවේ ‘කිංග්ස්’ දැවැන්තම ජය ලබයි

by with No Comment Match Report

LPL තරග ඉතිහාසයේ ඕනෑම කඩුල්ලක් වෙනුවෙන් ඉහළම ලකුණු සම්බන්ධතාව බවට පත් වුණු ටොම් කොලර්-කැඩ්මෝර් සහ උපුල් තරංග එකතුව පළමු කඩුල්ල වෙනුවෙන් රැස් කරන ලද ලකුණු 110 ක සම්බන්ධතාව ප්‍රධාන කොට කලම්බු ස්ටාර්ස් පිලට එරෙහිව අද (16 දා) පස්වරුවේ පැවැති තරගයෙන් ලකුණු 102 ක දැවැන්ත ජයක් වාර්තා කිරීමට තිසර පෙරේරාගේ නායකත්වයෙන් යුතු ජැෆ්නා කිංග්ස් කණ්ඩායම සමත්විය. එල්.පී.එල්. තරග ඉතිහාසයේ කණ්ඩායමක් ලද විශාලතම තරග ජයග්‍රහණය ලෙසින් සටහන් වුණු මෙම ජයග්‍රහණයත් සමඟ අවසන් තරග වටයේ සුදුසුකම් ලැබීමේ පළමු තරගයට (Qualifier 1) හෙවත් පළමු අවසන් පූර්ව තරගයට ක්‍රීඩා කිරීමට ද සුදුස්සන් බවට පත්වූවේය.

පන්දු 120 කදී ලකුණු 194 ක ඉලක්කයක් හඹා යෑම සඳහා පිටියට පිවිසි ස්ටාර්ස් පිතිකරුවෝ ආරම්භයේ සිටම අපහසුතාවයකට පත්වූ බැවින් හඹා යෑමක නිරත වනු දක්නට නොලැබිණ. ඔවුන්ගේ වගකීම් විරහිත පිතිහරඹය ස්ටාර්ස් ඉනිම පන්දුවාර 15 කුත් පන්දු 5 කදී ලකුණු 91 කට සීමාවීමට හේතු විය. පන්දු යැවීමේදී ලකුණු 13 කට කඩුලු 4 ක් බිඳ හෙළූ වේග පන්දු යවන ජේඩ්න් සීල්ස් තරගයේ වීරයා සම්මානයෙන් පිදුම් ලැබීය. ඔහුට අමතරව යාපනය ප්‍රදේශය නියෝජනය කරමින් කිංග්ස් පිලට එකතුව සිටින විජයකාන්ත් වියස්කාන්ත් කඩුලු 3 ක් සහ මහීෂ් තීක්ෂණ කඩුලු 2 ක් ද බිඳ දමමින් පන්දුවෙන් සහයෝගය ලබා දීම නිසා ස්ටාර්ස් පිතිකරුවන් අතරින් තිදෙනකු පමණක් ද්විත්ව ලකුණු සංඛ්‍යාවක් කරා ගියහ.

මෙම තරගය සඳහා ගිය තරගයේ වීරයා වුණු සීකුගේ ප්‍රසන්න ඇතුළු ක්‍රීඩකයින් සිව් දෙනෙකු ක්‍රීඩා නොකිරීම කැපී පෙනුණි. ක්‍රීඩා කළවුන් අතර ටොම් බැන්ටම් පමණක් ලකුණු 30 සීමාවට පැමිණියේය. ඉනිම ඇරැඹි ඇන්ජලෝ මැතිව්ස් සහ දිනේෂ් චන්දිමාල්ගේ කඩුලු තීක්ෂණ ලබා ගනිද්දී ඉදිරි පෙළ පිතිකරුවන් වුණු කුසල් පෙරේරා, ටොම් බැන්ටන් සහ කීමා පෝල්ගේ කඩුලු වියස්කාන්ත් විසින් දවා ගත්තේය.

කාසියේ වාසියත් සමඟ පළමුව පන්දුවට පහර දුන් ජැෆ්නා කිංග්ස් පිල වෙනුවෙන් ආරම්භක කඩුල්ලට ලකුණු 110 ක සම්බන්ධතාවක් පැවැත්වීමට උපුල් තරංග සහ ටොම් කොලර්-කැඩ්මෝර් සමත්වූහ. මෙය අවිෂ්ක ප්‍රනාන්දු සහ තිසර පෙරේරා එක්ව මෙතෙක් කඩුල්ලක් වෙනුවෙන් වාර්තාව තිබූ ලකුණු 105 ක සම්බන්ධතාව බිඳ දමන්නක් විය. පන්දු 70 කදී වාර්තා වුණු එම සම්බන්ධතාවයේදී පවර් ප්ලේ පන්දුවාර 6 දී ලකුණු 53 ක් රැස් කර ගැනීමට කැඩ්මෝර්-තරංග යුගල සමත්වූහ.

එම සම්බන්ධතාවයේදී කැඩ්මෝර්ගේ ඉනිම වේගවත් වූ අතර පන්දු 32 කදී සිය අර්ධ ශතකය ඉක්මවා ගියේය. ඊට හාත්පසින්ම වෙනස් මන්දගාමී වූ පිතිකරණ රටාවක නියැළි උපුල් තරංග  වැන්ඩර්සිගේ පන්දුවක් හමුවේ දැවී යන විට ලකුණු 37 ක් ලබා සිටියේ පන්දු 33 කට මුහුණ දෙමිනි. අනතුරුව පිටියට පිවිසි නවක ක්‍රීඩකයකු වූ අශාන් රන්දික සමඟද දෙවැනි කඩුල්ල වෙනුවෙන් ලකුණු 41 ක සම්බන්ධාවක් එක් කිරීමට කැඩ්මෝර් දායකත්වය දැක්වීය. පන්දු 21 ක් වැය වුණු එම සම්බන්ධතාවයේදී රන්දිකගේ දායකත්වය පන්දු 9 කදී ලකුණු 16 ක් විය.

නවීන් උල්හක් විසින් පන්දු 3 ක් ඇතුළතදී රන්දික සහ කැඩ්මෝර් පිටියෙන් ඉවත් කිරීමට සමත් වුවත් ස්ටාර්ස් පිලට කළ යුතු විනාශය සිදුකර තිබිණ. මුහුණ දුන් 55 වැනි පන්දුවේදී කැඩ්මෝර් දැවී යන විට දෙවැනි එල්.පී.එල්.තරගාවලියේ පිතිකරුවකු රැස් කරන ලද ඉහළම ලකුණු සංඛ්‍යාවේ වාර්තාවද තම නම ඉදිරියෙන් සනිටුහන් කර ගැනීමට කැඩ්මෝර් සමත්වූවේය. හයේ පහර 8 ක් සහ හතරේ පයහර 5 ක් ඇතුළත් වුණු කොලර්-කැඩ්මෝර් ලකුණු 92 ක් රැස් කර ගැනීමට සමත්විය. ඔහුට පෙර මෙවර තරගාවලියේ වැඩිම ලකුණු ලාභියා බවට පත්ව සිටියේ ලකුණු 73 ක් රැස් කල කලම්බු ස්ටාර්ස් නායක ඇන්ජලෝ මැතිව්ස්ය.

මැද පෙළින් පැමිණි වනිඳු හසරංග රවී රාම්පෝල් විසින් ක්‍රියාත්මක කරන ලද අවසන් පන්දුවාරයේදී රැස් කරගන්නා ලද ලකුණු 16 ද කිංග්ස්පිල ලකුණු 200 සීමාවට ආසන්නයට රැගෙන ගියේය. හයේ පහරක් සහ හතරේ පහර 3 ක් ඇතුළත් වුණු හසරංග පන්දු 7 කදී ලකුණු 19 ක් ලබා ගත්තේය.

තරගයේ වීරයා – ටොම් කොලර්-කැඩ්මෝර්

ලකුණු සාරාංශය

ජැෆ්නා කිංග්ස් පන්දුවාර 20 කදී කඩුලු 5 ට ලකුණු 193 යි – (ටොම් කොලර්-කැඩ්මෝර් 92, උපුල් තරංග 38, අශාන් රන්දික 16, ෂොයෙබ් මලික් 10, වනිඳු හසරංග 19*, නවීන් උල්හක් 27/3, ජෙෆ්රි වැන්ඩර්සි 33/1, දුෂ්මන්ත චමීර 39/1)

කලම්බු ස්ටාර්ස් පන්දුවාර 15.5 කදී සියලු දෙනා දැවී ලකුණු 91 යි – (ටොම් බැන්ටන් 30, ධනංජය ද සිල්වා 11, ඇන්ජලෝ මැතිව්ස් 10, රවී රාම්පෝල් 10*, ජේඩ්න් සීල්ස් 13/4, මහීෂ් තීක්ෂණ 25/2, විජයකාන්ත් වියස්කාන්ත් 32/3)

Ravi Bopara scores a half-century as Kandy Warriors defeat Dambulla Giants by 6 wickets

by with No Comment Match Report

17 December, 2021

The Kandy Warriors recorded their second victory in the Lanka Premier League after defeating Dambulla Giants by 6 wickets on Thursday. After restricting the Giants to 130/9 in their 20 overs, the Kandy Warriors chased down their target in 19.2 overs.

Ravi Bopara played a fantastic innings of 59* runs from 50 balls, laced with 3 boundaries and 2 sixes. Opening batter Kennar Lewis and Angelo Perera chipped in with scores of 27 and 29* respectively. The Giants dismissed Charith Asalanka, Minod Bhanuka and Kamindu Mendis for not too many runs on the board, however, the 60-run partnership between Bopara and Perera ensured that the Warriors walked off the field as winners.

Earlier, the Dambulla Giants couldn’t find a way to get going with the bat as they kept losing wickets at regular intervals. Ramesh Mendis was the only highlight of Giants’ batting card with an innings of 41 runs from 28 balls. He struck 2 boundaries and 1 six during his innings. Binura Fernando and Al-Amin Hossain were the pick of the bowlers for the Warriors with figures of 3/22 and 3/32 respectively.